Dy asistime nga shqiptarët në fitoren e fundit të Zvicrës

22:56 | 15 Tetor 2018
Arbresh Info

Falë dy asistimeve nga dy yjet shqiptarë, Granit Xhakas dhe Xherdan Shaqirit, Zvicra ka mposhtur me rezultat 2 me 1 skuadrën e Islandës.

Në takimin e zhvilluar në kuadër të grupit të dytë në Ligën A në UEFA Ligë të Kombeve, Zvicra mori tri pikë të plota duke fituar kundër Islandës mbrëmjen e sotme (e hënë), shkruan portali arbresh.info.

Ylli i Arsenalit, Granit Xhaka krijoi një super asistim në zonën e rreptësisë dhe këtë rast e shfrytëzoi mirë Haris Seferovic duke shënuar me kokë në minutën e 52′.

Michael Lang më pas dyfishoi shifrat në minutën e 67′ pas një topi të kthyer nga Xherdan Shaqiri.

Nikoqirët ngushtuan rezultatin duke shënuar për 1 me 2 përmes Alfred Finnbogason derisa po zhvillohej minuta e 81′.

Zvicra qëndron në pozitën e dytë me dy fitore, aq sa ka edhe Belgjika si lidere e grupit, ndërsa Islanda qëndron në fund të tabelës me asnjë pikë./arbresh.info/